تعال يالله وقوول(شباب الزقرت×شباب الكوول)

السلام عليكم شباب موضوع بفكره جميله يايبو منقول من منتدى انشاالله تعجبكم الفكره منتظر ردودكم وخصوصا مأدبه والمستر

إييييه الأخبار وإززيكم وعاملييين إيييه وهوااريوو افرري بدري:sm38:

إن شالله كوولووكووو كداا ====>>

طبعاً لحد قول وشسالفه ولا يقول وش هالحرب موضوع فراغ وواحد فاضي

اللي مايعجبه الموضوع يكتب م . ع . س <== يعني ماعندك سالفه

بس قبل أدخل بالموضوع بقولكم نكته سلكولي عاد قولو ( ههههه ) موب خسرانيين شي

محشش دخل بمسابقة أسرع رسمه

المهم رسم نقطه صغيره

سألوه قالو وش هالنقطه والرسمه

قآل هذا فيل جآي من بعييييييد


عاد اضحكوا لاتفشلوني



المهم ياصديزيني نجي لـ مسقط رأس الموضوع وموضوعي المتواضع [

شباب الأمه تدرون الحين صارو نوعين .,{ شباب الـ زقرت X شباب الـ كول },.

المجموعه الاولى (( الزقرت )) والمجموعه الثانيه (( الكول ))

طبعاً الاسامي أبد ماهي غريبه عليكم والأغلب سامع فيها

وأغلبنا نقولها مثلاً شفنا واحد كوول نقول له يالكوول << قل قسمن

ولو شفنا واحد زقرت نقول له يا زقرت << معقووله

بس على مين تطلق الزقرت وعلى مين تطلق الكول

وماهو الـ كول وماهو الـ زقرت

ومااهتمام هذا ومااهتمام الثاني





خلونا نتعرف عليهم:sm38:






















شباب الزقرت :-

تعريف الزقرات : انسان زهق وطقت تسبده من الحياة وعايش لاجل يعيد الماضي

مميزات الزقرت عن غيره:-

1- ثوبه وسيع اصفر كان بالماضي ابيض

2- ترسيمته بالشماغ ثابته ومن غير عقال حتى اخر لحظه

3- دائماً السبحه في يده حتى وهو نايم

4- نعاله زبيريه أو سجديات وأنتم بكرامه عنده من قبل 10 سنين

5- لايعترف بالسروال الطويل تحت الثوب مقووصر وبس

6- وجود بقعه مرق ولا إيدام باميه على حافة كم ثوبه

7- أغلبهم براطمه سودااااا من كثر التدخين

8- يستعمل كلمات قديمه رغم تطوره وعلمه بالكلمات الحديثه (-- يعني قديمك نديمك

9- يتطنز كثيراً من الكول واللي مو زقرت << مسوي نفسه عصبي هوع

10- يحش بالاوادم كثير كثير


طموحات الزقرت وأحلامه وأهم الأشياء في حياته :-

1- يشتري ددسن او جمس أحمر حوض لبيع الجح فيه <~~ راعي خطوط

2- يقدم اداء جيد بالرقص السامري وخاصه اذا كان أغاني عراقيه

3- استكانة وبيالة الشاهي بعد كل وجبه وفي كل حين

4- كل سبحاته سارقهم من شباب زقرتيه مثله هههههههههه

5- اربع وعشرين ساعه الزقاره بفمه ويدخن



صور لشلة زقرتيه :-






صوره لسيارة زقرتي :-




عرفنا الحين وشو يعني زقرت


بس نسيت أقول لكم أحلى ميزه بالزقرت :-


انهم وقت المواقف الصعبه رجال يعني مايخلونك لحالك ينشد فيهم الظهر..((بس مو كلهم))






\




\
شباب الكول:-


تعريف الكول:انسان مايدري وين الله حاطه ويحب تقليد الغرب ويكره الماضي ويكره الزقرت



مميزات الكول :-

1- مايعترف بالثوب أبد ودايم بناطيل وبلايز بدي

2- لازم الشعر طويل ومسويه كدش <~~ كدش كلمه كوليه معناها شوشه

3- ماتفرق بين يده ويد البنت كلهم حاطين أساور ويستخدمون جرجينز

4- جزمه وحده عنده وأنتم بكرامه ولونها وردي ويلبسها على كل شي

5- لازم ولابد منزل شوي من البنطلون ومطلع البوكسر <<~~ مسوي طيحني



6- براطمه دايم تلمع من الملمع واحيانا تشوفها ملونه من الروج

7- يستعمل بعض الكلمات الانجليزيه رغم تفهمه انه غبي مثل كيوت ولا نايس ولا سويت

8- يتطنز على الزقرت واللي مو كول واللي مو كول يستحقره

9- هياط على غير سنع << يعني مسوين زحمه والشارع فاضي

10- لازم حاط كم سلسال على رقبته

طموحات الكول وأحلامه وأهم اهتماماته :-

يشتري سياره جديده لأن صديقه شرى سياره جديده

يرقص رقص غير طبيعي بحفلات الويك الخميس وهز ياوز

بايسن في كل حين عشان يصير قوي (( ياقلبس ))

كل أساوره وسلاسله سارقهم من اخته

أربع وعشرين ساعه يفر ويرقم بنات خلق الله


صور بعض الكول وياكثرهم :-







\




\
سؤال يطرح نفسه للكول وش يحسون فيه ؟؟

الشي الثاني أهلهم عادي يكون ولدهم كذا بهالشكل ؟؟

ماعلينا من احد يالله لك الحمد والشكر

طيب يا أعضائنا الغالين شرايكم بالـ زقرت وشرايكم بالـ كول من احسن ؟

ولا كلهم ماينفعون أنا أنفع هههههههههههه <<<


الحين كل التماسيح يبي يلعبون بالكوول لعب ويقولن طول وعرض << حركاتكم يالعيال

والسحالي كلهم يقولون وععع مو حلوين الكول وا وا وا ...

ولا جا وقت الجد وشفتوا واحد مسوي هالحركات قلتوا واااااو يجنن كووووول كيوووت






\


\
كل واحد يروق ويتقهوى ويقولي رايه بصراحه بالنوعين


وأيهم يفضل ويقولنا كل شي بباله عنهم